ІІМ-де ARLAN спорт клубы құрылады
Фото: ҚР ІІМАСТАНА. KAZINFORM — Оның негізгі міндеті — қызметтік-қолданбалы спорт түрлерін дамыту, дене дайындығын нығайту және қызметкерлердің жауынгерлік дағдысын арттыру. Бұл туралы ведомствоның баспасөз қызметі мәлім етті.
— ІІМ спорт клубы жастар бағытын дамытып, қызметкерлердің әртүрлі деңгейдегі жарыстарға қатысуын үйлестіретін болады. Ведомство бұқаралық спортты дамыту және білікті кадрларды даярлау мақсатында спорт ұйымдарымен, соның ішінде «Динамо» ДСҚ, ҚМ-нің Орталық спорт клубымен және ТЖМ-нің «Batyr team» клубымен өзара іс-қимылды жалғастырады, — делінген хабарламада.
Еске сала кетейік, бұған дейін полицей формасы тек бедел емес — жауапкершілік пен тәртіп нышаны екенін жаздық. Сондықтан ішкі істер органдарында қызмет ететін әр қызметкердің физикалық дайындығы мен денсаулығы тұрақты бақылауда. Олар жыл сайын кәсіби қызметтік және физикалық дайындық деңгейі бойынша тексеруден өтеді. Әрбір қызметкердің физикалық дайындығы байқалады. Қару қолдану шеберлігі және жауынгерлік күрес әдістері сияқты бақылау нормативі бар. Компьютерлік тестілеу арқылы қолданыстағы заңнаманы білу деңгейі де анықталады. Ішкі істер министрлігінің мәліметінше, мұндай тексеріс барлық бөліністе тұрақты негізде жүргізіледі.
