«Артемида-2» миссиясы: Ғарышкерлер Айға жақындап қалды
«Артемида-2» миссиясына қатысушы астронавттар Жерден алыстап, Айға бұрынғыдан да жақындай түсті. Қазіргі уақытта Orion ғарыш кемесі Айдың гравитациялық әсер аймағына еніп, енді оны Жерге қарағанда Ай күштірек тарта бастады, деп хабарлайды Egemen.kz.Бұл – миссияның маңызды кезеңдерінің бірі. Алдағы уақытта экипаж Айдың арғы бетімен ұшып өтеді. Дәл осы сәтте байланыс уақытша үзіледі, шамамен 40 минут бойы ғарыш кемесімен Жер арасындағы радиобайланыс болмайды.
Мамандардың айтуынша, бұл құбылыс қалыпты жағдай, өйткені Айдың арғы беті Жермен тікелей байланысқа кедергі келтіреді. Осы уақыт ішінде барлық жүйелер автономды режимде жұмыс істейді.
Бұл миссия барысында астронавттар Айды айналып ұшып, кейін Жерге оралады. Жоба болашақта адамды Ай бетіне қайта қондыруға бағытталған үлкен бағдарламаның бір бөлігі саналады.
