Жаңбыр суын тарту жұмыстары жүргізілді
Әйтеке би кентінде кешелі бері толассыз жауған жаңбыр салдарынан жиналған су көлемін азайту мақсатында арнайы су тарту жұмыстар ұйымдастырылуда.Таң сәріден бастап кент тазалығына жауапты мекемелердің техникалары кенттің су басқан учаскелерін, көшелерді жиналған судан тазартуда. Әсіресе тұрғындар көп жүретін орталық көшелер мен әлеуметтік нысандар маңындағы жағдай тұрақты бақылауға алынған.
Аудан әкімі Алмасбек Есмаханов Әйтеке би кентін аралап тұрғындарға қолайлы жағдай қалыптастыру мақсатында жауаптыларға су тарту жұмыстарын жеделдетуді тапсырды.
Аудан орталығындағы жаңбыр суын тарту жұмыстары тәулік бойы жалғаса беретін болады. Айта кетейік, кент аумағындағы бұл жұмыстарға аудан кәсіпкерлеріде арнайы су сорғыш техникалар ұйымдастырып, өз үлестерін қосуда.
