Жас өрендер жетістігі

Өрендердің өнерге құштарлығы қуантады. Ал олар жетістікке жетіп, абыройымызды көтерсе, тіпті ғажап. Онысына мақтанып, марқаясың.
Жуырда Жаңақорған ауданында Кейден ауылдық клубының ұйымдастыруымен ерекше жандардың шығармашылығын насихаттау мақсатында өткен балалар мен жасөспірімдердің облыстық "Жүректен жүрекке" атты фестивалі өтті.

Аталған фестивальге Қазалы қалалық мәдениет Үйі атынан үш жанр бойынша өнер көрсеткен жас өнерпаздар көрермен көзайымына айналып, көптің алғысын арқалап келді. Көркемсөз жанры бойынша Қазалы қаласындағы №17 мектеп оқушысы Дария Ибрагим, ән жанры бойынша Раяна Еділбай, би жанры бойынша Айзере Қартқожақ өнер көрсетті. Өнерлі өрендеріміздің бағындырар белесі бұдан да биік болсын демекпіз.