ҚАЛА ӨНЕРПАЗДАРЫ РЕФЕРЕНДУМДА КОНЦЕРТТІК БАҒДАРЛАМА ҰЙЫМДАСТЫРУДА
Бүгін елімізде өтіп жатқан республикалық референдум аясында Қазалы ауданында мерекелік көңіл-күй қалыптасып, мәдени іс-шаралар ұйымдастырылуда.
Қазалы қалалық мәдениет үйінің өнерпаздары қаладағы №65 және №67 референдум учаскелерінде түстен кейін де концерттік бағдарламасын жалғастырып, келушілерге көтеріңкі көңіл-күй сыйлауда.
Өнерпаздар патриоттық әндер орындап, ұлттық өнерімізді дәріптеп, референдумға келген тұрғындардың мерекелік көңіл күйін арттыруда.
Бұл шаралар дауыс беруге келген азаматтарға ерекше атмосфера сыйлап, саяси науқанның бірліктің, ынтымақтың белгісіне айналуына өз үлесін қосуда.
Еліміздің болашағына бейжай қарамай, өз таңдауларын жасауға келген тұрғындар өнерпаздардың өнерін тамашалап, ризашылықтарын білдіруде.
