Жасөспірімдердің қауіпсіздігіне бағытталған түнгі рейд жұмыстары күнделікті жүргізілуде
Бүгінде Қазалы ауданында облыс әкімі Нұрлыбек Нәлібаевтың тапсырмасына сәйкес жасөспірімдер арасындағы құқық бұзушылықтардың алдын алуға бағытталған іс-шаралар тұрақты түрде ұйымдастырылып келеді.Аудан бойынша аудан әкімінің орынбасарлары, мәслихат төрағасы, кент, қала әкімі, дербес бөлім басшылары бастаған арнайы топтар күн сайын аудан орталығы мен ауылдық округтерде түнгі рейд жұмыстарын үздіксіз жүргізуде.
Осыған сәйкес, бүгін кезекті рейдтік құрам аудан орталығы - Әйтеке би кентіндегі спорт алаңдары, мейрамханалар, дүкендер, ойын-сауық орталықтары мен тамақтанатын орындарға барып, кәмелет жасқа толмаған жасөспірімдердің беймезгіл уақыттан кейін жүруіне болмайтындығын ескертіп, түсіндірме жұмыстарын жүргізді.
Айта кетейік, бұл бағыттағы жұмыстар күнделікті бекітілген кестеге сәйкес жалғаса беретін болады.
