Әлеуметтік нысандардың жағдайымен танысты
Өткен аптада партияның Қызылорда облыстық филиалының төрағасы Жандос Базартай Қазалы ауданының әкімі Алмасбек Есмахановпен бірге аудан орталығында пайдалануға берілген бірқатар әлеуметтік нысандардың қазіргі жай-күйімен танысты.
Алдымен өткен жылы ел игілігіне берілген «Руханият орталығында» болды. Содан кейін Р.Бағланова атындағы аудандық мәдениет орталығына барды.
Қазіргі таңда ғимаратта жоспарға сәйкес кезең-кезеңімен жаңғырту жұмыстары жүргізілуде. Сонымен қатар, аудандық емхана ғимаратын да аралап, ондағы жүргізіліп жатқан жөндеу жұмыстарына қатысты ұсыныстарын айтты.
Нысандарды аралау барысында партия филиалының төрағасы Жандос Базартай пайдалануға берілген әлеуметтік нысандардың жағдайын зерделеудің басты мақсаты – қызмет көрсету сапасын арттыру және тұрғындардың игілігі үшін тиімді пайдалану екенін жеткізді.
#AMANAT
