Жасөспірімдердің қауіпсіздігі басты назарда
Қазалы ауданында күн сайын аудан әкімі Алмасбек Есмахановтың тапсырмасына сәйкес жастар арасындағы құқық бұзушылықтардың алдын алу, санитарлық тазалық жұмыстарына байланысты түнгі рейд жұмыстары тұрақты түрде ұйымдастырылып келді.
Бүгін, кезектілікке сәйкес аудан әкімінің орынбасары Дәурен Тлеумбетов пен аудан прокурорының орынбасары Биқожа Жұмаш және аудандық полиция бөлімі мен бірлескен рейдтік топ мүшелері Әйтеке би кентіндегі ойын алаңдары, саябақ, ойын-сауық орталықтары мен компьютер клубтарын аралады. Қоғамдық тәртіпті бақылау барысында кәмелет жасқа толмаған оқушыларға түсіндірме, ата-анасына ескертулер жасалды.
Қоғамдық тәртіпті бақылау мақсатындағы құрылған рейдтік топтар алдағы уақытта да кезектілікпен жастар арасындағы құқықбұзушылықтардың алдын алу, түнгі мезгілде белгіленбеген орындарға бей-берекет қоқыс тастау сынды мәселелердің алдын алу бойынша жұмыстар жүргізе беретін болады.
