Түнгі рейд жұмыстары жүргізілуде

Облыс әкімі Нұрлыбек Нәлібаевтың тапсырмасына сәйкес Қазалы ауданында жастар арасындағы құқық бұзушылықтардың алдын алу мақсатында күн сайын арнайы бөлінген топтар кезектілікпен түнгі рейд жұмыстарын тұрақты түрде ұйымдастырып келеді.

Рейдтік топ мүшелері күнделікті 22:00-ден бастап Әйтеке би кентіндегі ойын алаңдарын, саябақ, ойын-сауық орталықтары мен компьютер клубтарын, тойханалар мен мейрамханаларды аралап, қоғамдық тәртіпті бақылау барысында кәмелет жасқа толмаған оқушыларға түсіндірме, ата-анасына ескерту жасайды.

Бүгінгі аудандық жұмыспен қамту және әлеуметтік бағдарламалар бөлімінің басшысы Совет Бабанаев бастаған құрам түнгі рейд жұмыстарын жүргізуде. Топ құрамында Әйтеке би кенті әкімі аппаратының мамандары, дербес бөлім мен аудандық полиция бөлімінің қызметкерлері және мектеп директорлары қамтылған.

Айта кетейік, қоғамдық тәртіпті бақылап келген рейдтік топ мүшелері аудан әкімі Алмасбек Есмахановтың тапсырмасына сәйкес кент ішінде тұрғындардың бей-берекет қоқыс тастау, тазалық талаптарын сақтамаған тұрғындарғада түсіндірме жұмыстарын жасауда.

Алдағы күндері дәл осындай күшейтілген түрде рейд жұмыстары жалғаса беретін болады!

©️Қазалы ауданы әкімінің баспасөз қызметі