Құқықбұзушылықтың алдын алу мақсатында кезекті түнгі рейд жұмыстары ұйымдастырылды
Аудан көлемінде құқықбұзушылықтардың алдын алу, кәмелетке толмағандар арасындағы тәртіп пен қауіпсіздікті қамтамасыз ету мақсатында күнделікті кешкі сағат 22:00-ден бастап түнгі рейдтік іс-шаралар өткізіліп келеді.Кезектілікке сәйкес бүгін аудан әкімінің орынбасары Мұрат Әбсұлтанов бастаған және тиісті сала өкілдерінен құрылған жұмыс тобы кент орталығындағы қоғамдық орындар мен ойын-сауық нысандарын аралап, заңбұзушылықтарды анықтау және алдын алу бағытында түсіндірме жұмыстарын жүргізді.
Рейд барысында түнгі уақытта жасөспірімдердің заңды өкілінсіз жүруі, түнгі тыныштықты бұзу, көлік құралдарын рұқсатсыз басқару секілді заң бұзушылықтар анықтау бойынша да жұмыстар жүргізілді.
Айта кетейік, қоғамдық тәртіпті бақылап келген рейдтік топ мүшелері аудан әкімі Алмасбек Есмахановтың тапсырмасына сәйкес кент ішінде тұрғындардың бей-берекет қоқыс тастау, тазалық талаптарын сақтамаған тұрғындарғада түсіндірме жұмыстарын жасауда.
Мұндай рейдтік жұмыстар алдағы уақытта да тұрақты түрде жалғасатын болады.
©️Қазалы ауданы әкімінің баспасөз қызметі
