Рейд жұмыстары жүргізілді

Кезекті түнгі рейд жұмыстарын жалғастырған топ мүшелері Әйтеке би кентіндегі бірқатар нысандарды аралап, түсіндірме жұмыстарын жасады.
Жастар көптеп бас қосатын ғимараттарға бас сұққан құрам кәмелет жасқа толмаған жасөспірімдерге ескерту жасап, беймезгіл уақытта жүруге болмайтынын құлаққағыс етті.
Бұдан бөлек, ауа райының салқындап, өзгеруіне байланысты аудан тұрғындарын көше қозғалысында сақ болуға шақырды.
Қоғамдық тәртіпті бақылаушы топ бей-берекет қоқыстардың тасталмауын, шет аймақтарда кәріз суларының төгілмеуін бақылауда ұстады.
Айта кетейік, түсіндірме жұмыстарын жасауға аудандық жұмыспен қамту және әлеуметтік бағдарламалар бөлімінің басшысы Совет Бабанаев, аудандық мәслихат депутаты Арғын Орынбаев, “Қазалы ауданының Мансап орталығы” филиалының директоры Болатбек Баймаханов және аудан әкімі аппаратының қызметкерлері мен мектеп директорлары, мұғалімдер бірге шықты.