Анасын ардақтаған ел азбайды
Фото: ашық дереккөзден алындыЕлімізде кемсітушіліктің барлық нысандарын жою туралы конвенция ережесіне сәйкес, жыл сайын 25 қараша – Халықаралық әйелдерге қатысты зорлық-зомбылық көрсетуді жою күні атап өтеді. Осы мақсатта 25 қараша – 10 желтоқсан аралығында «Гендерлік зорлық-зомбылыққа қарсы 16 күн белсенді іс-әрекет» акциясы өткізу дәстүрге айналған.
Халықтың кең тобын әйелдерге қатысты зорлық-зомбылықты әшкерелеу, алдын-алу, ана мен баланы қорғау, қоғамдағы отбасының рөлін күшейту, құқықтық сауаттылығын арттыруға бағытталған және қабылданып жатқан шаралар туралы таныстыру мақсатындағы акция оң нәтижесін беріп келеді. Жүргізілген шаралардың нәтижесінде қоғамда әйелдердің құқықтық сауаттылығы артып, олар өз кезегінде өздеріне қажетті көмек шараларын ала алады.
Ағымдағы жыл басынан бері Қазалы ауданы полиция бөліміне ерлі-зайыптылар жанжалы жөнінде 190 хабарлама келіп түскен. Отбасылық тұрмыстық қатынастар аясында 10 қылмыстық теріс қылық анықталса, әкімшілік құқық бұзушылық жасаған 107 азамат есепке алынып, ҚР Әкімшілік құқық бұзушылық кодекстің 73 бабымен тиісті шаралар қабылданды. Шаңырағының берекесін кетіріп, тынышын бұзған тұлғалар, «Тұрмыстық зорлық-зомбылықтың алдын-алу туралы» ҚР Заңының 20-бабына сәйкес, қорғау нұсқамасы есебіне алынып, бақылау жұмыстары жүргізілуде. Отбасылық тұрмыстық зорлық-зомбылыққа қарсы күрес тобымен жанжал орын алған 2 отбасыға психологиялық көмек көрсетілді.
Тұрмыстық зорлық-зомбылық – психологиялық қысым көсретуден бастау алып, күш көрсету әрекетіне ұласып, қылмысқа ұласатын созылмалы әрекетке ұласады. Жағдай дер кезінде полицияның көмегіне жүргінуді қажет етеді. Зорлық-зомбылық дерегі орын алған жағдайда 102 арнасына қоңырау шалу, қиындықты еңсеріп, қалыпты өмір салтын қалыптастыруға басталған маңызды қадам болып саналады.
Сәуле БИШЕКОВА,
Қазалы ауданы полиция бөлімі
қоғамдық қауіпсіздік бөлімшесінің
отбасылық тұрмыстық зорлық-зомбылыққа қарсы
күрес тобының инспекторы, полиция капитаны
