Көпір құрылысына партиялық бақылау жасады
Қазалы ауданының Сырдария өзенінің «Қарлаң» учаскесінде салынып жатқан темір-бетон көпірінің құрылысына партиялық бақылау бекеті қойылған.Осы орайда бүгін аудандық филиал жанындағы партиялық бақылау комиссиясының бірқатар мүшелері құрылыстың жүргізілу қарқынымен танысу мақсатында темір-бетон көпірінің құрылысына бақылау жасады.
Құрылыс жұмыстары 2026 жылдың соңына аяқталу жоспарланған. Қазіргі күнге дейін 60 свайға бұрғылап бетондау, 3 ростверг, 1 ледорез, 2 ригель, 2 тіреу жұмыстары және кірме жолдарды топырақпен көтеру орындалды. Бүгінде свайға бұрғылау жұмыстары жалғасуда.
Жобаны «Нұрлы Тау ЛТД» ЖШС мердігер мекемесі жүзеге асыруда.
Айта кетейік, партиялық бақылау жұмыстарына комиссия мүшелері Нұрғиса Жалғасбаев, Күншығар Әбілов, Ардақ Кәдір және тиісті сала мамандары қатысты.
Комиссия мүшелері нысанның уақытылы әрі сапалы аяқталуын бақылауда ұстайтын болады.
#AMANAT
