Көпір құрылысы партия бақылауда
«AMANAT» партиясы сайлауалды уәделердің орындалуын қадағалау мақсатында партиялық бақылау бекеттерінің жұмысын жалғастыруда. Негізгі мақсат – құрылыс сапасы, бөлінген қаржының тиімді жұмсалуы, қауіпсіздік талаптарының сақталуы және жұмысшылардың әлеуметтік жағдайы бақылау.Осы орайда бүгін Сырдария өзенінің «Қарлаң» учаскесінде салынып жатқан темір-бетон көпіріне партиялық бақылау бекеті ашылды. Оған аудандық филиал жанындағы партиялық бақылау комиссиясының төрағасы Әділбек Сарабеков, комиссия мүшелері Күншығар Әбілов, Ардақ Кәдір және тиісті мамандар қатысты.
Комиссия мүшелері нысанның уақытылы әрі сапалы аяқталуын бақылауда ұстайтындарын жеткізді.
Құрылыс жұмыстары 2026 жылдың қарашасында аяқталуы тиіс. Қазіргі күнге дейін 60 свайға бұрғылап бетондау, 3 ростверг, 1 ледорез, 2 ригель, 2 тіреу жұмыстары және кірме жолдарды топырақпен көтеру орындалды. Бүгінде свайға бұрғылау жұмыстары жалғасуда. Жобаны «Нұрлы Тау ЛТД» ЖШС мердігер мекемесі жүзеге асыруда.
