Асфальттау жұмыстары жүйелі
Биыл Әйтеке би кентіндегі 15 көшеге жоспарланған орташа және күрделі жөндеу жұмыстарының 13-іне асфальт төсеу жұмыстары толықтай аяқталды. Ал Желтоқсан және Төремұрат жырау көшесіндегі жоспарланған жұмыстар бүгінде қарқынды жүргізілуде.Бүгін аудан әкімі Желтоқсан көшесіне асфальт төсеу және Төремұрат жырау көшесіндегі жер тегістеу мен асфальт қабатын төсеуге дайындық жұмыстарын көріп, жол сапасын бақылады.
Екі көшеніңде жол құрылысымен айналысып жатқан мердігер мекеме «Строймодуль Астана» жауапкершілігі шектеулі серіктестігінің жауапты өкілі мен тиісті сала басшысына қараша айының соңына дейін белгіленген жұмыстарды толық, әрі сапалы етіп аяқтауды тапсырды.
Аудан басшысы кент көшелерін аралаудан кейін Қазалы қаласындағы Ш.Уәлиханов көшесіне жүргізіліп жатқан қайта жаңғырту жұмыстарын көрді. Қазалы қаласы бойынша да биылға жоспарланған 10 көшенің қайта жаңғырту жұмыстарының 9-ы аяқталды. Қалған бір көше – Ш.Уалиханов көшесінеде асфальт төсеу жұмыстары жуық арада толықтай аяқталмақ.
«ҚАЗАЛЫ» ақпарат
