Емдеу ұйымдарындағы дәрі-дәрмек қорына партиялық мониторинг жүргізілді
Бүгін партияның аудандық филиалының Партиялық бақылау комиссиясы емдеу ұйымдарындағы жағдайды бақылау мақсатында мониторинг жұмыстарын жүргізді. Мониторинг жұмысына комиссия төрағасы Әділбек Сарабеков,комиссия мүшесі Күншығар Әбілов және аудандық партия филиалының сарапшысы Алтынай Кенжалиева қатысты.Қазалы аудандық емханасы мен көп бейінді орталық ауруханасындағы зерделеу барысында, партиялықтармен дәрі-дәрмектердің жеткілікті мөлшерде болуы және олардың жабдықталуы қаралды. Мониторинг барысында қажетті препараттар қоры жеткілікті екені, халыққа еш кедергісіз босатылып жатқаны анықталды.
Өз кезегінде бақылау комиссиясының мүшелері халыққа сапалы және қолжетімді медициналық қызмет көрсету партияның сайлауалды бағдарламасының басты мақсаттарының бірі екендігін атап, емдеу ұйымдарының жағдайын жақсартуға бағытталған шаралардың тұрақты түрде жалғасатынын жеткізді.
#AMANAT
