Емдеу ұйымдарының қажетті дәрі-дәрмектермен қамтамасыз етілуіне партиялық бақылау жасалды
«AMANAT» партиясының 2023-2027 ж.ж. арналған Сайлауалды бағдарламасында азаматтардың медициналық көмекке қол жетімділігін арттыру және халыққа сапалы медициналық қызмет көрсету басты мақсаттарының бірі саналады.Бүгін партияның аудандық филиалы жанындағы партиялық бақылау комиссиясының мүшелері теміржол ауруханасында болып, ауруханаға қарасты тұрғындардың қажетті дәрі-дәрмектермен жеткілікті мөлшерде қамтамасыз етілуі мен жабдықталуына партиялық мониторинг жасады.
Іс-шараға партияның аудандық филиалының Атқарушы хатшысы Нұрғиса Жалғасбаев, аудандық филиал жанындағы партиялық бақылау комиссиясының төрағасы Әділбек Сарабеков және комиссия мүшесі Талғат Әліпбаев қатысты.
Мониторинг барысында бас дәрігер Айгүл Құлмағамбетова дәрілердің толықтай қамтылғанын айтып, бұған қосымша медицина қызметкерлерінің жұмыс жағдайлары және науқастарға көрсетілетін медициналық көмек сапасы туралы айтып берді.
Медициналық мекемелердің жағдайын жақсартуға бағытталған бұл бағыттағы партиялық бақылау мен мониторинг жұмыстары тұрақты түрде жалғасатын болады.
#AMANAT
#KPK
#мониторингAMANAT
