Аудан әкімі Әйтеке би кентіндегі мектептерді аралады
Бүгін аудан әкімі Алмасбек Есмаханов Әйтеке би кентіндегі М.Матаев атындағы №170, Жанқожа батыр атындағы №70 және №266 сынды білім ошақтарына барып, мектептердің жай-күйімен танысты.Аудан басшысы аралау барасында мектеп асханалары мен спорт залдарының және сыныптардың жағдайын бақылады. Мектеп директорларына балаларға әзірленген тамақтың сапасына, күнделікті ас мәзіріне, асхананың жалпы санитарлық жағдайына көңіл бөліп, баланың дұрыс тамақтануына аса мән беруді тапсырды. Сондай-ақ оқушылармен тілдесіп, оларға жарқын болашақ тіледі.
Мектептерді аралау барысында аудан әкімі сыныптардың керекті жабдықтармен жабдықталуы және мектеп әжетханаларының барлық талапқа сай болуы, білім ошақтарының ауласын қураған шөптерден, жапырақтардан тазарту, кейбір өңіп кеткен қоршауларын сырлау керектігін айтып, аудандық білім бөлімінің басшысымен мектеп директорларына тазалық мәселесінде назардан тыс қалдырмауды тапсырды.
