Келер жылы бензин бағасы күрт өсуі мүмкін бе
Бензин бағасыгың күрт өсуіне жол берілмейді. Бұл туралы Энергетика министрі Ерлан Ақкенженов мәлім етті.
Фото:Pexels— Қазір мораторий аясында бағаны ұстап тұрмыз. Бірақ келер жылғы бағаға қатысты айта алмаймын… Қазақстанда әлеуметтік салаға қолдау көрсету саясаты жүргізіліп келеді. Атап айтқанда, отын бағасының күрт өсуіне жол берілмейді. Себебі, бұл сала халықтың өмір сүруіне жағдайына әсер ететінін ескере отырып. Сондықтан бұл мәселені бақылауда ұстаймыз, — деді Е. Ақкенженов Парламент Мәжілісінде тілшілер сұрағына жауап бере отырып.
Айта кетейік, таяуда Үкімет бензин мен тариф бағасына мораторий енгізіліп, ипотека көлемі ұлғайту шешімін жария еткен болатын.
Осы орайда биылғы 16 қазаннан бастап инфляция деңгейі тұрақтанғанға дейін АИ-92 маркалы бензин мен дизель отыны бағасын одан әрі көтеруге мораторий енгізілді. Премьер-министр Энергетика министрлігіне Бәсекелестікті қорғау және дамыту агенттігімен және өңір әкімдіктерімен бірлесіп, тиісті қадағалау жүргізуді, сондай-ақ ішкі нарықты ЖЖМ-мен үздіксіз қамтамасыз ету үшін қажетті шаралар қабылдауды тапсырды.
