Қазақстанда қанша жанармай қоры бар – вице-министрдің жауабы
Еліміздегі АИ-92 маркалы бензиннің қазіргі қоры бір айдан астам уақытқа жетеді. Ал дизельдің қоры 36 күнге, АИ-95 маркалы бензин қоры 24 күнге жетеді.Энергетика вице-министрі Ерлан Ақкенженов БАҚ өкілдерімен өткен брифингіде осындай мәлімет келтірді, деп хабарлайды inform.kz
«Біздің есептегі деректер бойынша және жинақталған қор мен қазан айындағы жөндеу маусымы келе жатқанын ескеріп айтсақ, Қазақстан бұл кезеңді қандай да бір тосын оқиғасыз өткізеді деп отырмыз. Бензин болады», - деді ол.
«Біздің есептегі деректер бойынша және жинақталған қор мен қазан айындағы жөндеу маусымы келе жатқанын ескеріп айтсақ, Қазақстан бұл кезеңді қандай да бір тосын оқиғасыз өткізеді деп отырмыз. Бензин болады», - деді ол.
Ерлан Ақкенженовтің сөзінше, елде екі айға жететін әуе жанармайының қоры бар.
«Жанармай қоры туралы айтсақ, бензин жеткілікті. Әуе отыны шамамен екі айға, АИ-92 маркалы бензин бір айдан астам уақытқа, дизель 36 күнге, АИ-95 маркалы бензин, қателеспесем, 24 күнге жету керек», - деді вице-министр.
