Қазақстан Республикасының Конституциясына – 30 жыл
Фото: сайт премьер-министра РК2025 жылы Қазақстан Республикасының Конституциясы қабылданғанына 30 жыл толып отыр. Бұл – еліміздің құқықтық, демократиялық мемлекет ретінде қалыптасуындағы аса маңызды тарихи белес. Конституция – Қазақстан Республикасының Негізгі заңы ретінде мемлекетіміздің саяси, экономикалық, әлеуметтік дамуының құқықтық негізін қалаған басты құжат.
1995 жылғы 30 тамызда бүкілхалықтық референдум арқылы қабылданған Конституция мемлекетіміздің тәуелсіздігін нығайтты, ұлттық бірлікті сақтап, азаматтардың құқықтары мен бостандықтарының кепіліне айналды. Конституцияның бірінші бабында Қазақстан өзін демократиялық, зайырлы, құқықтық және әлеуметтік мемлекет деп жариялап, адам мен адамның өмірі, құқықтары мен бостандықтарын – ең жоғары құндылық ретінде айқындады.
30 жыл ішінде Қазақстан Конституциясы елдегі саяси жүйенің, мемлекеттік басқару институттарының, азаматтық қоғамның және құқықтық жүйенің қалыптасуына зор үлес қосты.
Сонымен қатар, мемлекет дамуының әр кезеңінде Конституцияға өзгерістер мен толықтырулар енгізіліп, заман талабына сай бейімделді. 2022 жылы өткен референдум нәтижесінде Конституцияға енгізілген түзетулер еліміздің саяси жаңғыруына және «Күшті Президент – ықпалды Парламент – есеп беретін Үкімет» қағидатына негізделген жаңа мемлекеттік модельге жол ашты.
Конституция күні – әрбір қазақстандық үшін ел тәуелсіздігі мен бірлігінің, қоғамдық келісім мен тұрақтылықтың нышаны. Бұл – мемлекет пен қоғам өміріндегі маңызды мереке ғана емес, сондай-ақ әрбір азаматтың құқықтары мен бостандықтарын қорғайтын негізгі заңға деген құрметтің көрінісі.
Қазақстан Республикасының Конституциясы – еліміздің басты құндылықтарын айқындайтын, мемлекеттілігіміздің берік негізі. Конституцияның 30 жылдығы – бұл заң үстемдігіне, азаматтық теңдікке, әділеттілік пен қоғамдық келісімге негізделген мемлекет құру жолындағы маңызды белес.Осы мерейтой аясында мемлекеттік органдарда, білім беру және құқық қорғау мекемелерінде түрлі іс-шаралар, конференциялар, құқықтық ағарту жұмыстары ұйымдастырылып, Негізгі заңның маңызын арттыруға бағытталған жұмыстар жүргізілуде.
Жадыра БЕРЖАН,
Бас маман сот отырысының хатшысы
