Тамыздың ортасында ауа райы қандай болады?
Фото: depositphotos.comҚазгидромет 12, 13, 14 тамызға арналған ауа райы болжамын жариялады, - деп хабарлайды Massaget.kz.
Солтүстік-батыс циклоны әсерінен найзағай ойнап, жаңбыр жауады. Батыста, солтүстік-батыста және солтүстікте қатты жаңбыр, кей өңірлерде бұршақ жауады, дауыл соғады. Тек республиканың оңтүстігінде жауын-шашынсыз, ыстық ауа райы сақталады. Ел бойынша жел күшейіп, түнгі және таңғы сағаттарда солтүстікте, шығыста тұман түседі.
"Елдің басым бөлігінде ауа температурасы аздап төмендейді: батыста түнде 13-18 градус жылы, күндіз 23-31 градус жылы, солтүстік-батыста түнде 8-20 градус жылы, күндіз 18-28 градус жылы, солтүстікте түнде 10-17 градус жылы, күндіз 18-23 градус жылы, оңтүстікте түнде 13-23 градус жылы, күндіз 27-37 градус жылы. Қалған өңірлерде айтарлықтай өзгеріс болмайды", - деп жазылған хабарламада.
