Абай Құнанбайұлының 180 жылдығы аталып өтілуде

Фото: ашық дереккөзден алынды

Абай Құнанбайұлы – қазақтың жаңа әдебиетінің негізін салушы, қазақ жазба әдебиетінің классигі. Ол өз заманының рухани өмірін жаңғыртып, халықтың ой-санасын оятуға бар күшін арнады. Абайдың өлеңдері мен қарасөздері адамгершілік, білім, еңбек, әділет, имандылық секілді биік ұғымдарды дәріптейді.

Ұлы ойшылдың "Ғылым таппай мақтанба", "Қараңғы қазақ көгіне өрмелеп шығып күн болам" деген идеялары бүгінгі күнге дейін өз маңызын жоғалтқан емес. Оның шығармаларында ұлттық болмыс пен жалпы адамзаттық құндылықтар тоғысқан.

Абайдың 180 жылдығына орай республика көлемінде, сондай-ақ шетелде де түрлі мәдени, ғылыми іс-шаралар ұйымдастырылуда. Олардыңқатарында:

Абай шығармаларын оқу марафондары;

Халықаралық ғылыми конференциялар;

Театр қойылымдары мен көркем фильмдердің түсірілімі;

Абай ескерткіштерін жаңарту және жаңа ескерткіштер орнату;

Ақынның туған жері – Жидебай мен Семейде еске алушаралары.

Қазақстан Президенті Қасым-Жомарт Тоқаев Абай мұрасын ұлттық идеологияның өзегі ретінде атап өтіп, оны жастар тәрбиесінде кеңінен қолдану қажеттігін алға тартты.

Абай – ұлттың рухани темірқазығы. Оның шығармаларын оқу – тек әдеби мұрамен танысу ғана емес, адамның ішкі жан дүниесін тәрбиелеу, болмысты тану жолы. Жас ұрпақ Абайдың рухани мұрасынан тәлім алып, саналы, білімді, елін сүйетін азамат болып қалыптасары сөзсіз.

Абай Құнанбайұлының 180 жылдығын атап өту – тек өткенге тағзым емес, болашаққа бағдар. Ұлы Абайдың сөзімен айтқанда, «адам баласы адам баласынан ақыл, ғылым, ар, мінез деген нәрселермен озбақ». Сондықтан бұл мерейтой – әр қазақтың жүрегінде ояу рух пен ойға жетелер ірі белес.

Қазалы аудандық соты әкімшісінің

бас маман-сот отырысының хатшысы