Жаңбыр, тұман және аптап: Қазақстанда алдағы күндері ауа райы қандай болады?
Фото: depositphotos.com"Қазгидромет" синоптиктері 8, 9 және 10 шілдеге арналған ауа райы болжамын жариялады, - деп хабарлайды Tengrinews.kz.
Жаңбыр және тұман
Атмосфералық фронталь бөліктердің өтуіне байланысты Қазақстанның көп бөлігінде найзағай ойнап, жаңбыр жауады. 9-10 шілдеде елдің солтүстігінде, 10 шілдеде солтүстік-батысында, оңтүстігі мен оңтүстік-шығысында – нөсер жаңбыр, бұршақ және дауыл күтіледі.
Тек республиканың батысында солтүстік-батыс антициклон жотасының ықпалымен жауын-шашынсыз ауа райы күтіледі. Ел бойынша жел күшейеді. Түнгі және таңғы уақытта елдің солтүстігінде тұман түседі.
Ауа температурасы қандай болады?
ҚАРСЫ КӨРСЕТКІШТЕР БАР. ДӘРІГЕРМЕН КЕҢЕСІП АЛЫҢЫЗ
9-10 шілдеде республиканың батысы мен оңтүстік-батысында күндіз қатты ыстық болады – 35-41 градус, солтүстік-батысында – 35-38 градус. Солтүстік өңірлерде түнде 7-15, күндіз 20-27 градус жылы. Елдің оңтүстігі мен оңтүстік-шығысында температура біртіндеп төмендейді. Қалған өңірлерде температуралық жағдайда күрт өзгерістер күтілмейді.
