Өркендеу ауылдық округінің тұрғындарымен кездесу өтті
Бүгін Өркендеу ауылдық округінің орталығы Жанкент ауылында сайлаушылармен кездесу өтті. Кездесуге аудандық мәслихаттың төрағасы, "AMANAT" партиясы аудандық филиалының төрағасы Ғазиз Әліш, Қызылорда облыстық мәслихатының депутаты, "AMANAT" партиясы фракциясының мүшесі Нұрлан Имандосов және аудандық мәслихат депутаты, партия фракциясының мүшесі Күншығар Әбілов қатысты.Ғазиз Әлмәмбетұлы кездесу барысында облыс және аудан көлемінде атқарылып жатқан жұмыстар туралы кеңінен баяндап, жергілікті тұрғындармен еркін форматта пікір алмасты.
Ауыл тұрғындары ауылішілік жолдарды жөндеу, жайылымдық жер мәселесі және аудан орталығынан өндіріс орындарын ашу сынды мәселелерді көтерді.
Өз кезегінде Нұрлан Самұратұлы көтерілген ұсыныстарға жауап бере отырып, бірқатар инфрақұрылымдық мәселелердің шешімі бөлінетін бюджет қаржысына тікелей байланысты екенін атап өтті. Сонымен қатар, қалған мәселелер бойынша түсіндірме беріліп, оларды тиісті мекемелермен бірлесе отырып шешу бағытында жұмыстар жүргізілетіні айтылды.
#AMANAT
