Жүлделі орынды иемденді
Жеңістің 80 жылдығына және 7 мамыр – Отан қорғаушылар күніне орай Қазалы аудандық білім бөлімі мен аудандық білім қызметкерлері кәсіподақ ұйымының ұйымдастыруымен аудан ұстаздары арасында футзалдан жарыс ұйымдастырылды.Осы дүбірлі додада "Е.Бозғұлов атындағы №249 мектеп-лицейінің" ұстаздар құрамасы ұйымшылдық пен шеберліктің, қайсарлық пен төзімділіктің үлгісін көрсетіп, жүлделі ІІ орынды жеңіп алды.
Аталған жарыстың нәтижесінде мектеп-лицейдің мұғалімі, команда мүшесі Мұқағали Сансызбаев шебер ойынымен көзге түсіп, "Үздік ойыншы" аталымымен марапатталды.
"ҚАЗАЛЫ" ақпарат
