ЖАНҚОЖА БАТЫР КӨШЕСІНЕ ЖАЯУ ЖҮРГІНШІЛЕР ЖОЛЫ САЛЫНУДА
Өткен жылы аудан орталығы - Әйтеке би кентіндегі Жанқожа батыр көшесіне кеңейту жұмыстары жүргізіліп, 4 жолақты жол пайдалануға берілген болатын. Сонымен қатар аталмыш жолдың бойындағы №249 мектеп-лицей мен аудан әкімдігі ғимаратының алды абаттандырылып «Руханият» сквері салынды.Мұнымен қоса былтыр жолдың екінші бетіне жасыл белдеу салынып, ағаш көшеттері отырғызылса, биыл аудан әкімінің тапсырмасына сәйкес Төремұрат жырау көшесінен бастап аудандық емханаға дейінгі аралығына жаяу жүргіншілер жолын салу жұмыстары басталды.
Жанқожа батыр көшесінің бойына жаяу жүргіншілер жолының салынуы оқушылардың білім ордасына, тұрғындардың көше бойында орналасқан аудандық прокуратура, сот, аудандық аурухана мен емханаға және басқада жұмыс орындары мен қажетті орталықтарға қатынауына қолайлы жағдай қалыптастырады. Сондай-ақ ең бастысы жаяу жүргіншілер жолының салынуы тұрғындардың жол қауіпсіздігін сақтауынада үлкен септігі тимек.
©Қазалы ауданы әкімінің баспасөз қызметі
