Ақсуат ауылында көшпелі қабылдау өтті
Фото: Ернұр КамаБүгін «AMANAT» партиясы Қазалы аудандық филиалының мобильді қоғамдық қабылдау тобы Майлыбас ауылдық округінің орталығы Ақсуат ауылында көшпелі қабылдау өткізді.Ауылдық клубта өткен шараны аудандық партия филиалының төрағасы Ғазиз Әліш ашып, негізгі мақсат – халықпен кері байланыстың тиімділігін арттыру екенін атап өтті.
Қабылдау барысында тұрғындар ең алдымен ауыл үшін өзекті мәселелерді көтерді. Атап айтқанда, мектеп шатырын жөндеу, көгілдір отынмен қамту, ветеринария саласындағы түйткілдер және басқа да маңызды сұрақтарын ортаға салды. Мұнан соң, жұмыспен қамту, құқықтық көмек алу, кәсіпкерлік және жер теліміне қатысты жеке өтініштері бойынша партия өкілдеріне, депутаттарға, салалық басшылар мен мамандарға жүгінді.Әрбір көтерілген мәселенің шешу жолдары қарастырылып, заң аясында түсіндірмелер жасалды және тиісті жауаптар берілді.Қабылдау соңында ауыл ақсақалдары келушілерге алғыстарын білдіріп, жұмыстарына сәттілік тілеп, баталарын берді.Айта кетейік, қабылдаудан кейін мобильді топ өкілдері мектеп шатырының жағдайын арнайы барып көріп, зерделеу жұмыстары жүргізілетінін жеткізді.
