TikTok Қазақстан халқы үшін онлайн фестиваль ұйымдастырады
Қазақстанның жоғары оқу орындары да бұл фестивальге белсенді қатысып жатыр.
Фото: pexels.com
Фото: pexels.comTikTok жыл сайынғы #Наурыз2025 онлайн фестивалін іске қосады, – деп хабарлайды Аikyn.kz.
Ғылым және жоғары білім министрлігінің мәліметінше, үшінші жыл қатарынан Наурыз мейрамына орай TikTok қазақстандықтар үшін ауқымды онлайн-фестиваль ұйымдастырады. #Наурыз2025 арнайы хэштегі арқылы кез келген адам бастамаға қосылып, мерекелік сәттерімен бөлісе алады.
Қазақстанның жоғары оқу орындары да бұл фестивальге белсенді қатысып жатыр. Әл-Фараби атындағы ҚазҰУ, Satbayev University Наурызды ерекше қарсы алуға дайын, Бөкетов атындағы Қарағанды университетінде домбыра шертіліп, Yessenov University-де ұлттық спорт түрлерінен сайыстар өтіп жатыр.
TikTok алғаш рет еліміздің ірі қалаларында – Астана, Алматы және Шымкенттегі алаңдарда арнайы интерактивті аймақтар орнатады. Қала тұрғындары осы арнайы безендірілген алаңдарда видеоролик түсіріп, оны 20 наурыз бен 2 сәуір аралығында жобаның #Наурыз2025 хэштегі арқылы ұлттық тағамдар мен дәстүрлер, музыка, би, қала және ауылдардағы мерекелік шаралар тақырыптарында контент жариялап, байқауға қатыса алады.
