Қазалыда жолаушыларға мерекелік дастарқан жайылды
Фото: Ернұр Кама
Бүгін аудандық партия филиалының «Теміржолшы» бастауыш партия ұйымының төрағасы Арғын Орымбаев пен ұйым мүшелері Наурыз мейрамына орай ерекше тағылымды шара өткізді. №34 Ақтөбе – Алматы бағытындағы жолаушылар пойызының жолаушылары үшін вокзал алаңында ақ дастархан жайып, ұлттық тағамдар ұсынды.
Сонымен қатар жолаушылар қазақ халқының дәстүрлі сусындары — қымыз, шұбат және айраннан дәм татты.
Мерекелік іс-шара барысында музыкалық аспаптардың сүйемелдеуімен әсем әуендер шырқалды.
Өз кезегінде жолаушылар ілтипатты шараға ризашылықтарын білдіріп, ұйымдастырушыларға алғыстарын жеткізді.
