Аяулы ұстаздар мен ардагерлер құрметке бөленді
Фото: Қазалы ауданы әкімінің баспасөз қызметі
Бүгін аудан әкімі Мейрамбек Шермағанбет 8 наурыз – Халықаралық әйелдер күні мерекесі қарсаңында білім саласында жемісті еңбек етіп жүрген ұстаз-аналар мен ардагерлерге, сондай-ақ Алтын алқалы аналарға көрсетті.
Аудандық білім бөлімінің мәжіліс залында өткен шарада аудан әкімі аяулы ұстаз-аналарға ыстық ықыласын жеткізіп, құттықтау сөз сөйледі.
«Мемлекетіміздің дамуы жолында әйел-аналарға жүктелер міндет аса маңызды. Ол – ұлтты ұйыстыра отырып, елжанды ұрпақ тәрбиелеу, қоғамды ізгілендіруге ұйытқы болу. Ал бұл жолда Сіздердей ұлағатты ұстаздардың орны қашанда ерекше. Ұстаз деген мәртебелі кәсіптің деңгейін төмендетпей, жас ұрпаққа білім мен тәрбие бере жүріп, аяулы ана атанған жандарға айтар алғысымыз шексіз. Шуақты мерекелеріңізбен тағы да құттықтай отырып, дендеріңізге саулық, отбасыларыңызға амандық тілеймін» - деді аудан басшысы.
Мерекелік кездесу шарасында №11 Балапан бөбекжай-балабақшасының тәрбиешісі жетекшілігімен өнерпаз қызғалдақтар жетіген аспабында әндерін тарту етті. Бұдан кейін мереке иелеріне аудан басшысының құттықтауы табысталып, қыр гүлі мен сый-сыяпаттар үлестірілді.
Жиын соңында ардагер-ұстаздар сөз сөйлеп, мерекеге орай үлкен құрмет көрсеткен аудан әкіміне ризашылығын жеткізіп, ақжарма тілегін білдірді.
Қазалы ауданы әкімінің баспасөз қызметі
