«НЕВАДА-СЕМЕЙ» АНТИЯДРОЛЫҚ ҚОЗҒАЛЫСЫНЫҢ ҚҰРЫЛҒАНЫНА 36 ЖЫЛ

Биыл 28 ақпан ядролық апатқа қарсы халықаралық «Невада-Семей» антиядролық қозғалысының құрылғанына 36 жыл толып отыр. Осыған орай аудан әкімдігінің мәжіліс залында Семей сынақ алаңында әскери борышын өтеген қазалылық ардагерлермен кездесу өтті.
Кездесуде аудан әкімінің орынбасары Жәнібек Алиев ардагерлерді «Невада-Семей» халықаралық қозғалысының құрылғанына 36 жыл толу мерейтойымен құттықтады. Сонымен қатар сынақ алаңында әскери борышын өтеген ардагерлерді аудан әкімінің «Алғыс хатымен» марапаттап, арнайы сыйлықтар табыстады.Марапаттау рәсімінен кейін аудандық мәслихат депутаты Күншығар Әбілов пен аудандық жұмыспен қамту және әлеуметтік бағдарламалар бөлімінің басшысы Совет Бабанаев сөз сөйлеп, ардагерлерге алдағы уақытта да мемлекет тарапынан түрлі қолдаулпр көрсетіле беретіндігін жеткізді.Кездесуде Семей полигонының ардагерлері өздеріне үнемі моральдық-материалдық қолдау білдіріп жүрген азаматтарға ыстық ықыластарын жеткізіп, алғыс айтуды да ұмытпады.