Түркістан облысының делегаттары Қазалыда
Фото: Қазалы ауданы әкімдігінің баспасөз қызметі«Біртұтас тәрбие» бағдарламасы аясында Қазақстан Журналистер Академиясының академигі, Түркістан облыстық мәслихатының депутаты, "Айғақ" телеарнасының директоры Дулат Әбіш бастаған делегация Қазалы ауданында болып, аудандағы бірқатар нысандарды аралады. Делегация мүшелерін аудандық мәслихат төрағасы Ғазиз Әліш пен аудан өнерпаздары ерекше құрметпен күтіп алды.
Делегация мүшелері Р.Бағланова атындағы аудандық мәдениет орталығында болып, аудандық орталық кітапхананың ұйымдастыруымен «Келбеті келісті келешегі кемел - Қазалы» атты тақырыпта кітап көрмесі тамашалады. Сонымен қатар Қазалы аудандық тарихи-өлкетанау музейінің қорында сақталған өңірлік археологиялық қазба жұмысы кезінде табылған тарихи жәдігерлер көрмесіменде танысты.
Аралау барысында делегация мүшелеріне Қазалы ауданының құрылу тарихы мен өткеніміздің өрнекті де көрнекті тұстары, жеткен жетістіктері мен толайым табыстарын, сондай-ақ әлеуметтік және рухани игі өзгерістері, таныстырылды.
Сонымен қатар делегация мүшелеріне "Мырза" халықтық ұлт-аспаптар оркестрі және аудандық мәдениет орталығының өнерпаздары өнерлерін ұсынды.
