Болмысы бөлек тұлға
Ғани Мұратбаев мемориалдық музейінде ҚР Білім беру ісінің үздік қызметкері, ҚР Журналистер Одағының мүшесі, Қазалы ауданының «Құрметті азаматы» Шарафадин Алтынбайұлының 75 жас мерейтойына орай «Болмысы бөлек тұлға» атты тағылымдық кеш ұйымдастырылды.
Кешке Қызылорда облыстық тарихи-өлкетану музейінің экскурсиялық көпшілік бөлімінің меңгерушісі Эльзира Сағитжанова, Қазалы аудандық білім саласы ардагерлер кеңесінің төрағасы, ардагер ұстаз, Қазалы ауданының «Құрметті азаматы» Серік Қуанышбаев, «Өнегелі» қоғамдық бірлестігінің мүшесі, ардагер ұстаз Қазыбай Саниязов, Қазалы аудандық орталықтандырылған кітапхананың бөлім меңгерушісі, «Мәдениет саласының үздігі» Зоя Шүйіншәліқызы, Шарафадин Алтынбайұлының туыстары, мектеп мұғалімдері мен оқушылар қатысты.
Шара барысында құрметті қонақтар жылы лебіздерімен, мерейтой иесі туралы естеліктерімен бөлісіп, сый-сияпаттарын жасады. Мәнді де, мағыналы шарада кеш кейіпкері тәрбиелік мәні зор әңгімелерін айта отырып, оқушылардың қойған сұрақтарына жауап берді. Кеш соңында Шарафадин Алтынбайұлының қолтаңбасы қойылған кітаптары музей қорына сыйға берілді.
«ҚАЗАЛЫ» ақпарат
