Ел мерейін үстем етер спорт мектебі
Қазыналы Қазалы ауданы тамыры терең тарихынан бөлек, топырағында талай мықтыны тәрбиелеп шығарған спортшыларға да бай өлке. Қазалылық жас өрендер өткен жылы Әлем чемпионаттарынан 1 алтын, 4 күміс, 7 қола жеңіп алса, Азия чемпионаттарынан 3 алтын, 28 күміс, 47 қола, ал ҚР чемпионаттары мен кубоктарынан 30 алтын, 28 күміс, 47 қоланы қоржынға салды.Соның ішінде, Қазалы ауданындағы №17 олимпиадалық резервтің мамандандырылған балалар-жасөспірімдер мектебі ел мерейін үстем етер чемпиондарды шығаруда қажырлы еңбек етіп келеді. Бүгінде бұл мектеп спорттың 12 бағыты бойынша 1644 баланы кәсіби бағытта жаттықтырады. Ал, жаттықтырушылар саны – 48.
Атап айтсақ, ауыр атлетикада – 2 жаттықтырушы, 60 спортшы, баскетболда – 2 жаттықтырушы, 88 спортшы, бокста – 5 жаттықтырушы, 152 спортшы, волейболда – 6 жаттықтырушы, 238 спортшы, гандболда – 2 жаттықтырушы, 48 спортшы, грек-рим күресінде – 15 жаттықтырушы, 462 спортшы, дзюдода – 3 жаттықтырушы, 106 спортшы, еркін күресте – 1 жаттықтырушы, 42 спортшы, таеквондода – 2 жаттықтырушы, 84 спортшы, үстел теннисінде – 2 жаттықтырушы, 64 спортшы, футболда – 5 жаттықтырушы, 206 спортшы, қазақ күресінде – 3 жаттықтырушы, 94 спортшы бар.
Ал жаттықтырушылардың ішінде, біліктілігі жоғары деңгейдегі жоғары санатты жаттықтырушылар саны - 6, біліктілігі жоғары деңгейдегі бірінші санатты жаттықтырушылар саны – 5, біліктілігі жоғары деңгейдегі екінші санатты жаттықтырушылар саны – 8.
Қазалылық спортшылардың тыңғылықты дайындығы нәтижесінде 2024 жылы Әлем чемпионаттарынан 1 алтын, 4 күміc, 4 қола медаль, Азия чемпионаттарынан 1 алтын, 3 күміс, ал Қазақстан Республикасының чемпионаттарынан 26 алтын, 15 күміс, 24 қола жүлдені жеңіп алды. Сонымен қатар, мектептің 2 спортшысы ҚР спорт шебері нормативін сәтті орындады. Жоғарыда аталған спорт мектебі балаларды 6 жастан бастап ақысыз негізде қабылдайды.
Жеке сұрақтарыңыз бойынша мектеп директорының оқу ісі жөніндегі орынбасары Нарбота Есқалиевке 8702-264-57-14 номеріне хабарласуларыңызға болады.
