Тақырыптық қабылдауда жер телімдеріне қатысты мәселелер қаралды
Бүгін «AMANAT» партиясы Қазалы аудандық филиалында жер телімдерін табыстау және тұрғын үй коммуналдық шаруашылық мәселелері бойынша азаматтарға тақырыптық қабылдау өтті.Қабылдауға келушілер жер кезегіне сәйкес, сондай-ақ кәсіпкерлік мақсатта жер алу бойынша өтініштерін жеткізді. Сонымен қатар, әлеуметтік желі арқылы өз сауалдарын жолдаған тұрғындардың да сұрақтары тыңдалды.
Қабылдау барысында әрбір сұраққа жауап беріліп, тұрғындардың өтініштері назарға алынды. Жердің кезектілікке сәйкес берілу заңдылығы түсіндіріліп, кәсіпкерлік мақсатта жер алу кезінде қажетті құжаттарды рәсімдеу бойынша кеңес берілді.
Қабылдауға Әйтеке би кентінің әкімі Әліби Әбиев, аудандық тұрғын үй, коммуналдық шаруашылық, аудандық ауыл шаруашылығы мен жер қатынастары бөлімінің басшысы Еркін Сейтов және аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің басшысы Рахметулла Ізтілеу қатысты.
#AMANAT
