Партия алаңында тұрғын өтініші ескерілді
Бүгін «AMANAT» партиясы Қазалы аудандық филиалында бекітілген кестеге сәйкес жер телімдерін табыстау, тұрғын үй коммуналдық шаруашылық мәселелері бойынша тақырыптық қабылдау өтті. Қабылдауға Әйтеке би кенті әкімінің міндетін атқарушы Ардақ Жанұзақ, аудандық жер қатынастары бөлімінің басшысы Еркін Сейтов және аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің әдіскері Мұхтар Әлжан қатысты.Қабылдау барысында тұрғындар тарапынан тұрғын үймен қамту және аудан орталығындағы Жанқожа көшесінің аяқ-су мәселесі қозғалды.
Қабылдауда келіп түскен көп балалы ананың тұрғын үй мәселесі бойынша жатақханада тұру ұсынылып, өтініш иесі ұсынысты қабылдап, мәселесі оң шешімін тапты. Ал, Жанқожа көшесіндегі аяқ-су мәселесі бойынша жүгінген тұрғынға Әйтеке би кенті әкімінің міндетін атқарушы Ардақ Жанұзақ түсіндірме жүргізіп, алдағы уақытта тиісті жұмыстар жүргізілетіндігін жеткізді.
#AMANAT
