Фото: unsplash.com (Hoyoun Lee)

Синоптиктер 15 желтоқсанға арналған ауа райы болжамын жариялады, деп хабарлайды Аlmaty.tv.
"Ел аумағының көп бөлігіне белсенді солтүстік циклонның шұңқыры және онымен байланысты атмосфералық фронттар әсер ететін болады, онымен жауын-шашын қар түрінде болады, оңтүстікте, оңтүстік-шығыста, елдің орталығында қатты жауын-шашын (жаңбыр мен қар) болады. Республика бойынша көктайғақ, бұрқасын, тұман болып, жел күшейеді.

Жетісу облысының Алакөл көлдері ауданында, күндіз Алматы облысының оңтүстігінде 30 м/с және одан да аса өте қатты жел соғады.», - деп хабарлады "Қазгидромет" РМК.

Астанада көшпелі бұлт шығады, қар жауады, кей жерлерде қар жауады, көктайғақ болады, жел 9-14, екпіні 15-20 м/с. Ауа температурасы түнде және күндіз -5...-7°С, одан әрі төмендейді.

Алматыда көшпелі бұлт шығады, жаңбыр жауады, қар жауады, жел 3-8, күндіз екпіні 15 м/с. Ауа температурасы түнде -1...-3°C, күндіз +5...+7°C.

Шымкентте көшпелі бұлт шығады, кей уақытта жауын-шашын жауады, жаңбыр, қар, тұман, көктайғақ, қар болады, жел 8-13, екпіні 15-20 м/с. Ауа температурасы түнде және күндіз -1…+1°C.

Ақтөбе облысының солтүстігінде, батысында жаяу бұрқасын болады. Батыстан, оңтүстік-батыстан жел соғады, облыстың солтүстігінде, батысында, оңтүстігінде екпіні 15-18 м/с.

Жамбыл облысының батысында, оңтүстігінде, таулы аудандарында қатты жауын-шашын (көбінесе қар) жауады. Түнде облыстың батысында, солтүстігінде, таулы және тау бөктерлі аудандарында, күндіз облыстың басым бөлігінде жаяу бұрқасын, көктайғақ болады.

Алматы облысында 15 желтоқсанда батыстан жел соғады, күндіз екпіні 15 м/с жетеді.

Қарағанды облысында жауын-шашын, облыстың солтүстігінде, шығысында кей уақыттарда қатты жауын-шашын (жаңбыр, қар) болады. Көктайғақ, бұрқасын. Түнде және таңерең облыстың оңтүстігінде тұман түседі. Оңтүстік-батыстан, батыстан жел соғады, облыстың батысында, солтүстігінде, шығысында екпіні 15-20, кей уақыттарда 23 м/с.

Ұлытау облысының солтүстігінде, шығысында жауын-шашын, облыстың орталығында аздаған жауын-шашын (жаңбыр, қар) болады. Облыстың солтүстігінде, шығысында тұман, көктайғақ, бұрқасын. Оңтүстік-батыстан, батыстан жел соғады, облыстың солтүстігінде, шығысында екпіні 15-20, кей уақыттарда 23 м/с жетеді.

Батыс Қазақстан облысының солтүстігінде, оңтүстігінде, орталығында, күндіз солтүстігінде, шығысында бұрқасын, көктайғақ болады. Жел батыстан солтүстік-батыстан соғады, күндіз екпіні 15-20 м/с жетеді.

Атырау облысының солтүстігінде, шығысында жаяу бұрқасын болады. Батыстан, оңтүстік-батыстан жел соғады, түнде облыстың оңтүстігінде, шығысында екпіні 15-20 м/с жетеді.

Жетісу облысының солтүстік бөлігінде тұман, көктайғақ болады. Солтүстік-батыстан жел соғады, облыстың шығысында, таулы аудандарында 15-20, Алакөл көлдері аудандарында екпіні 23-28 м/с жетеді.

Абай облысының батысында, солтүстігінде, орталығында бұрқасын, көктайғақ болады. Жел оңтүстік-шығыстан соғады, облыстың батысында, солтүстігінде, орталығында 15-20, Жарма ауданында екпіні 23-28 м/с. Семей қ.: 15 желтоқсанда күндіз бұрқасын, көктайғақ болады. Жел оңтүстік-шығыстан соғады, екпіні 15-20 м/с.

Маңғыстау облысының батысында, солтүстігінде, орталығында тұман түседі. Түнде облыстың батысында жаяу бұрқасын. Облыстың батысында, солтүстігінде, орталығында жолдарда көктайғақ болады. Солтүстік-батыстан соғатын жел оңтүстік-шығысқа ауысады, түнде облыстың батысында 15-20 м/с жетеді.

Солтүстік Қазақстан облысында қар, бұрқасын болады. Облыстың батысында тұман түселі. Оңтүстік-батыстан жел соғады, түнде облыстың оңтүстігінде, солтүстігінде, шығысында екпіні 15-20 м/с, күндіз 15-20 м/с болады.

Қызылорда облысының солтүстігінде, шығысында, орталығында көктайғақ, жаяу бұрқасын болады. Жел батыстан, оңтүстік-батыстан соғады, облыстың орталығында күші 15-20 м/с жетеді.

Қостанай облысының солтүстігінде, шығысында, оңтүстігінде бұрқасын болады. Түнде және таңертең облыстың солтүстік-батысында тұман түсеіді. Оңтүстік-батыстан жел соғады, облыстың солтүстігінде, шығысында 15-20 м/с болады.

Шығыс Қазақстан облысының солтүстігінде, шығысында жаяу бұрқасын болады. Жел оңтүстік-шығыстан соғады, облыстың солтүстігінде, шығысында 15-20 м/с.

Ақмола облысында жауын-шашын (жаңбыр, қар) жауады. Кей уақыттарда тұман, жаяу бұрқасын, көктайғақ болады. Оңтүстік-батыстан жел соғады, түнде облыстың солтүстігінде, оңтүстігінде, шығысында екпіні 15-20 м/с, күндіз 15-20 м/с жетеді.

Павлодар облысында жауын-шашын (қар, жаңбыр), күндіз облыстың оңтүстігінде, шығысында қатты жауын-шашын (қар, жаңбыр), жаяу бұрқасын, көктайғақ күтіледі. Батыстан жел соғады, облыстың солтүстігінде, оңтүстігінде, шығысында күші 15-20, екпіні 23 м/с жетеді.