Жастар денсаулығы орталы­ғының жұмысына орай бір­неше бағытты атап өтуге болады. Денсаулық сақтау бағ­дарламаларын енгізу бойынша орталықта жасөспірімдерге арналған денсаулық сақтау бағ­дарламалары, дұрыс тамақ­тану, физикалық белсенділік және психологиялық денсаулыққа қа­тысты тренингтер мен семинар­лар ұйымдастыру қажет. Ал спорттық шаралар мен іс-шаралар ұйымдастыру балалар мен жас­өспірімдер үшін саламатты өмір салтының маңызды бөлігі. Жас­тар денсаулығы орталығы мектептермен және спорттық клубтармен бірлесіп, жарыстар, марафондар және басқа да спорттық іс-шаралар өткізуді қолдай алады.

Жасөспірімдер арасында стресс­тік жағдайлар, депрессия, агрессия сынды мәселелер жиі кездеседі. Орталық психологиялық қолдау көрсету, жастарға стресстен арылу жолдарын үйрету және олардың эмоциялық денсаулығын нығайтуға бағытталған бағ­дар­­ла­ма­лар ұйым­­дастырады.

Саламатты өмір салтын насихаттау үшін, орталық түрлі ақпараттық кампаниялар ұйымдастырып, жастар арасында денсаулық туралы білімді арттыруға жұмыс істеуі керек. Мектептер мен колледждерде лекциялар мен тренингтер өткізіп, дұрыс өмір салты туралы түсінік беру өте маңызды.

Орталықтың жұмысы жас­тар арасында зиянды әдеттерден (темекі шегу, алкоголь, есірткі) сақтануға арналған кеңестер мен ақпараттарды тара­туға да бағытталған. Жастарды саламатты өмірге тарту мақсатында қоғамдық жұмыстарды белсенді жүргізу қажет. Жалпы жастар денсаулығы орталығының жұмысы жастарға бағытталған тиімді шаралармен толықтырылып, олардың физикалық, психологиялық жә­не әлеуметтік денсаулығын ны­­ғай­туға көмектеседі. Осы бағ­дарламаға байланысты Қазалы ауданы бойынша 37 мектеп, 3 колледж студенттері арасында жыл көлемінде кеңес беру, сала мамандарымен кездесу, дөңгелек үстел, түсіндірме жұмыстары жүйелі түрде өткізіліп келеді.

«Жетес би» дәрігерлік амбулаториясының меңгерушісі