Үстіміздегі жылдың 15 мамыр күні Қызылорда облыстық жастар саясаты мәселелері басқармасының және Қазалы ауданының ішкі саясат бөлімінің "Жастар ресурстық орталығы" КММ ҚР Президенті Н.Ә.Назарбаевтың халыққа Жолдауынан туындайтын мәселелерді жастар арасында насихаттау мақсатында белсенді жастардан құрылған "Жастар керуені" ұйымдастырылды. Аталмыш керуен барысында түрлі бағыттарда кешенді шаралар өткізілді.

1.Аудандық кітапханада "Жас көшбасшылар" мектебін қалыптастыру мақсатындағы кездесу өтті. Жиынға "Жастар ресурстық орталығы" КММ-сі жастар шығармашылығын және бұқаралық спортты дамыту бөлімінің басшысы Б.Қалиев пен "Жалын" пікір-сайыс клубының мүшесі Ж.Өмірзақ аудандағы дебат қозғалысына қызығушылығы бар жастармен жүздесіп, жастарға жан-жақты мәлімет берді.

2.Әйтеке би кені әкімдігінің мәжіліс залында "Ғылыми жұмыстарды жоспарлау және жүзеге асыру" тақырыбындағы кездесу. Кездесуді облыстық "Дарын" қосымша білім беру орталығының "Дарынды балалармен жұмыстарды ұйымдастыру" бөлімінің меңгерушісі Ж.Абушеева жүргізіп, қатысушы ұстаздар мен оқушыларға ақпарат ұсынып, сұрақтарына жауап берді.

3.Аудандық ардагерл үйінде "Жас отбасыларға арналған ресурстық орталық жұмысын ұйымдастыру" тақырыбында кездесу өткізілді.

4.Аудандық оқушар үйінде Сыр өнерпаздарының қатысуымен мерекелік концертіне ұласты. Сонымен қатар, ауданымыздың «Қазалы құрама» командасының жастары да өнер көретіп, кубок иеленді. Қамтылған жастар саны 150 ден астам.