Осы Мас күйiн куәландыруға жiберу, мас күйiн куәландыру және оның нәтижелерiн ресiмдеу қағидалары жеке тұлғалардың алкогольдік, есірткілік, уытқұмарлық мас күйін куәландыруға жіберу және оның нәтижелерін ресімдеу, сондай-ақ көлік құралын, кемені, оның ішінде шағын көлемді қайықты басқаратын жүргізушілердің мас күйін куәландыру тәртібін айқындайды.

Жеке тұлғалардың, оңың ішінде жүргiзушiлердiң, кеме жүргiзушiлерiнің масаң күйiн куәландыруға жiберудi, мас күйiн куәландыруды Кодексте көзделген құқық бұзушылықтың құрамы болып табылғанда әкiмшiлiк құқық бұзушылық туралы iс бойынша iс жүргiзудi қамтамасыз ету шаралары ретiнде уәкiлеттi лауазымды адамдар жүргiзедi.

Жеке тұлғалардың, оның ішінде көлiк құралдарын басқарудан шеттетiлген жүргiзушiлердiң, кеме жүргiзушiлерiнiң мас күйiн куәландыруды уәкілетті лауазымды адамдар тікелей әкімшілік құқық бұзушылық жасалған жерде және (немесе) мемлекеттік медициналық ұйымдарда медициналық ұйымдарда мас күйiнiң бар-жоғын анықтайтын арнайы құрылғылар мен құралдарды пайдалана отырып жүргізеді.

Әкiмшiлiк құқық бұзушылық туралы хаттамада куәландырудан өткiзу үшiн көлiк құралын, кемені, оның ішінде шағын көлемді кемені басқарудан шеттетiлген күн, уақыт, орын, негiздер көрсетiледi. Хаттаманың көшiрмесi өзiне қатысты іс бойынша iс жүргiзiлiп жатқан адамға не оның заңды өкiлiне тапсырылады.

Мас күйін куәландыру актісі тиісті хаттамаға қоса беріледі.

Жүргізушілердің, кеме жүргізушілерінің көлік құралдарының, шағын көлемді кемелердің қозғалыс тәртібін реттейтін нормативтік құқықтық актілердің белгіленген талаптарын бұзуы және олардың әрекеттерін, егер бұл ретте олар жүргізушілерде, кеме жүргізушілерінде мас болу белгілерін, сондай-ақ жүргізушілердің, кеме жүргізушілерінің алкогольді немесе психобелсенді заттарды пайдаланғаны туралы арыздарды, хабарламаларды, оларды анықтаса, қозғалыс қауіпсіздігін қадағалауды жүзеге асыру кезінде лауазымды адамдар жолын кескен бұзушылықтар алкогольді немесе психобелсенді заттарды қолдануды тану жүргізушілерді жіберуге жеткілікті негіз болып табылады.

Мас күйiн медициналық куәландыруға жiберу тәртiбi

Жеке тұлғалардың, оның ішінде жүргiзушiнiң, кеме жүргiзушiсiнiң мас күйiн медициналық куәландыру уәкiлеттi лауазымды адамдардың жазбаша немесе электрондық форматта жолдамасы бойынша жүргiзiледi.

Медициналық куәландыруға жiберген жолдамада көлiк басқарудан шеттету күнi, уақыты, орны, құқық бұзушылық негiздемесi, куәландыруға жiберу жолдамасы, хаттаманы толтырған адамның лауазымы, тегі мен аты-жөнi, көлiк құралының, шағын көлемдi кеменiң үлгiсi, маркасы, моделi, мемлекеттік тiркеу нөмiрi, өзге де сәйкестендiру белгiлерi, басқарудан шеттетiлген, куәландыруға жiберiлген жүргізушiнiң, кеме жүргiзушiсiнiң жеке басы туралы мәлiметтер көрсетiледi. Жолдамаға оны толтырған лауазымды адам, сондай-ақ куәландыруға жiберілген жеке тұлға (жүргiзушi, кеме жүргiзушiсi) қол қояды.

Жеке тұлға (жүргізуші, кеме жүргiзушiсi) әкiмшiлiк құқық бұзушылық жасалған жерде жүргiзiлген куәландыру нәтижелерiмен келiспеген жағдайда медициналық куәландыру үшiн берiлетiн жолдамаға лауазымды адам жүргізген куәландыру актісi қоса берiледi.