Доллар күн санап қымбаттап барады: бағасы 502 теңгеге жетті

Фото: freepik.com
Қазақстандық қор биржасында (KASE) күндізгі сауда-саттық қорытындысы бойынша доллардың орташа сараланған бағамы 501 теңгеден асты, деп хабарлайды Azattyq Rýhy.

Ұлттық банктің ресми бағамы бойынша 1 доллардың құны 494,87 теңгені құрайды.

Kurs.kz мәліметінше, қазіргі уақытта Алматының айырбастау пунктерінде доллардың сатып алу құны 500-501,5 теңге аралығында, ал сату 498,5-499,5 теңге аралығын құрайды.

Астананың айырбастау пунктерінде доллардың сатып алу бағасы 502 теңгеге жетсе, сату – 497 теңге.