Қазақстанда қарлы боран мен көктайғақ күтіледі
Фото:depositphotos.comСиноптиктер Қазақстанда алдағы үш күнде, 19, 20 және 21 қарашада қандай ауа райы күтілетіні туралы болжам жасады, - деп хабарлайды Tengrinews.kz.
Синоптиктердің айтуынша, ел аумағында тұрақсыз ауа райы сақталады. Республиканың аумағына тағы бір солтүстік-батыс циклоны жақындап, жаңбыр мен қар түріндегі жауын-шашын әкеледі, кей жерлерде көктайғақ болуы мүмкін. Солтүстік өңірлерде боран күтіледі.
21 қарашаға қарай елдің батысы мен солтүстік-батыс аймақтары антициклон ықпалында болады, соның салдарынан бұл өңірлерде құрғақ ауа райы орнығады. Алайда басқа облыстарда тұман мен қатты желдің күшеюі жалғасады.
"Ауа температурасының күрт өзгеруі күтілмейді", – деп толықтырды метеорологтар.
