Көлік жүргізушілеріне ауа райына байланысты ескерту жасалды
Фото: iStockРеспубликалық автожолдардағы ауа райы туралы мәлімет белгілі болды, деп хабарлайды El.kz ақпарат агенттігі.
2024 жылғы 28 қазанда Ақмола, Ақтөбе, Абай, Павлодар, СҚО, Қарағанды, Қостанай, ШҚО және Ұлытау облыстарының кей жерлерінде қар аралас жаңбыр жауады. Ал Атырау және Батыс Қазақстан облыстарының кей жерлерінде жаңбыр жаууы мүмкін, деп мәлімдеді Қазавтожол.
Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз, – делінген хабарламада.
Айта кетейік, 1403 байланыс орталығына хабарласып, тәулік бойы қосымша ақпарат алуға болады.
