Бүгін Әлеуметтік қорғау жүйесі қызметкерлері күні
Қазан айының соңғы жексенбісінде арнайы педагогтер мен әлеуметтік қызметкерлер өздерінің кәсіби мерекелерін атап өтеді.Қайырымдылық пен мейірімділік, шапағат пен ізгілік – бұл әлеуметтік қызметкерлерге ортақ қасиет, мұқтаж жандарға көмек пен қолдау көрсету олар үшін жай мамандық емес, кәсіп.
Бүгінде халықты әлеуметтік қорғау жүйесінде 35 мыңнан астам маман еңбек етеді. Арнаулы әлеуметтік қызметтерді 830 жуық мемлекеттік ұйым, 180 астам ҮЕҰ көрсетеді. Олардың атқарған жұмысы әділ және гуманистік қоғамның қалыптасуы мен дамуына қосқан үлес болып табылады.
Мереке құтты болсын, құрметті әлеуметтік қорғау жүйесінің қызметкерлері! Еңбектеріңіз бен ықыластарыңыз үшін рақмет!
