85 жастағы қария өз таңдауын жасады
Қызылорда облысы, Қазалы ауданы, Әйтеке би кенті №62 дауыс беру учаскесі ресми түрде ашық деп жарияланған соң, дауыс берушілердің алғашқы легін бастап ауыл тұрғыны, зейнеткер Адай Түктібаев келді.
- Бүгін елімізде орын алып жатқан саяси реформаға өз үлесімді қоссам деген ниетпен, ертемен келіп таңдауымды жасадым. Ел тарихындағы осындай маңызды оқиғаның қатысушысы болғаныма, үлес қосқаныма қуаныштымын. Елеулі өзгерісті қалайтын, ел тағдырына алаңдайтын барлық азаматтарды, жастарды бүгінгі шарадан қалыс қалмауға шақырамын! - дейді ардагер.
Осы орайда елден ерте тұрып, маңызды істен қапы қалмағаны үшін ардагерге арнайы сыйлықтар тарту етілді.
