АЭС-те апат болса, реактор өздігінен тоқтайды – Ерболат Қоянбаев
Сарапшының сөзінше, Қазақстанда атом энергиясын пайдалану туралы заң бар. Сол заң бойынша реактордың қауіпсіздігіне пайдаланушы мекеме жауап береді.
Негізі Чернобыль мен Фукусимадағы реакторлар – II буындағы реакторлар. Қазір Қазақстанға салуды қарастырып отырған реакторлар – III буынды реакторлар. АЭС жобасы тарихта болған барлық апатты ескере отырып, жасалды. Сол себепті Фукусима мен Чернобыльдағы оқиғаның болуы 10 миллион жылға бір оқиғамен есептеледі. Демек ықтималдық өте төмен. Өйткені III+ буындағы реакторлар өте қауіпсіз. Тіпті апат бола қалған күннің өзінде реактор өзінің логикасымен, ешқандай оператордың қатысуынсыз-ақ, автоматты түрде өзін қауіпсіз жағдайға келтіре алады. Сонымен қатар Чернобыльдағы сияқты құрылғы балқып кетпес үшін 72 сағат бойы реакторды салқындатады. Негізінде III+ буынның артықшылығы сол, барлық қауіпсіздік жүйесі пассивті.
