Қазақстанда орташа жалақы 400 мың теңге: Еңбек және халықты әлеуметтік қорғау министрлігі
Сурет: inbusiness.kzҚазақстанда орташа жалақы мөлшері 400 мың теңгеден асқан. Бұл туралы Еңбек және халықты әлеуметтік қорғау министрлігі мәлім етті, деп хабарлайды KYN.KZ ақпарат агенттігі.
Еңбек және халықты әлеуметтік қорғау вице-министрі Ақмәди Сарбасовтың сөзінше, ең төменгі шекті 85 мың теңге жалақыны 170 мың адам алады.
«Бүгінде Ұлттық статистикалық бюроның мәліметі бойынша орташа жалақы 403 мың теңге. Біз мониторинг жүргіземіз. Біздегі мәлімет бойынша 160 мың адам 100 мың теңгедей жалақы алады. Ал 175 мың адам 85 мың теңге көлемінде айлық алады», — деді Сарбасов.
Вице-министр жалақы білім деңгейі мен жұмыс сапасына байланысты тағайындалатынын атап өтті.
