Аудандық жұмыспен қамту және әлеуметтік бағдарламалар бөлімінде Сайлауалды бағдарламаны іске асыру жөніндегі Қазалы ауданы бойынша Жол картасындағы тармақтардың орындалуы, партияның «Кедергісіз келешек» жобасы аясында аудан бойынша мүгедектігі бар жандарға көрсетілетін қызметтер, оларға кедергісіз қолайлы орта қалыптастыру мен жұмыспен қамту квотасының орындалуы туралы бөлім басшысының орынбасары Нағашыбаев Мұратбек Тұңғышбайұлы баяндады.

Мұнан соң су айдындарында қауіпсіздікті қамтамасыз ету бағытында және өрттің қауіпті кезеңінде атқарылып жатқан жұмыстары туралы Қазалы ауданының Төтенше жағдайлар бөлімі бастығының міндетін атқарушы азаматтық қорғау майоры Ермекбаев Шапағат Нұржанұлы атқарылған жұмыстары туралы кеңінен айтып өтті.

Комиссия мүшелері тарапынан күн тәртібінде қаралған мәселелерге сәйкес ұсыныстар айтылып, тиісті қаулылар қабылданды.