Партиялық бақылау комиссиясының отырысы өтті
Бүгін аудандық партия филиалында Партиялық бақылау комиссиясының отырысы өтті. Іс-шараға комиссия төрағасы Әділбек Сарабеков төрағалық етіп, аудандық партия филиалының төрағасы Ғазиз Әліш, комиссия мүшелері мен дербес бөлім басшылары және мамандар қатысты.Отырыс барысында аудандық кәсіпкерлік және өнеркәсіп бөлімінің басшысы Ақтілеу Бөріқұлақов Мемлекет басшысының Жолдауынан туындайтын міндеттердің және партияның Сайлауалды бағдарламасын іске асыру жөніндегі өңірілік Жол картасындағы кәсікерлік саласы бойынша тармақтардың ауданда орындалуы туралы хабарлама жасап, кеңейтілген ақпаратты ұсынды.
Өз кезегінде аманаттықтар бөлім тарапынан Жол картада орындалмай қалу қаупі бойынша анықталған тармақты орындау мақсатында іс-шараларды ұйымдастыру жайында ұсыныстарын айтты. Сондай-ақ «Ауыл аманаты» жобасына қатысушы тұрғындардың ауқымын кеңейту бойынша бөлім тарапынан тиісті жұмыстар жүргізу керектігін жеткізді.
Отырыста қаралуы қажет екінші мәселе аудан бойынша мектеп оқушыларының жазғы демалысқа дайындық барысы және инклюзивті білім беру бағытында атқарылып жатқан жұмыстар туралы білім бөлімі басшысының отырысқа қатыспауына орай кезекті отырыста қайта қарау жөнінде шешім қабылданды.
Жалпы жиында көтерілген барлық мәселелер комиссияның бақылауында, сондай-ақ айтылған ұсынымдардың, сұрақтар мен ұсыныстардың орындалуын бақылау жалғасады.
#AMANAT
